បទចម្រៀង កុំហៅខ្ញុំថាស្រីចាស់ កំពុងតែល្បីខ្លាំងនៅក្នុងបណ្តាញសង្គមនិងទូរទស្សន៍នានា

សួស្តីប្រិយមិត្តនៅក្នុងគេហទំព័រ ព៌ត័មានក្នុងដៃ ថ្ងៃនេះយើងខ្ញុំសុំសូមនាំអារម្មណ៍ប្រិយមិត្តអ្នក អានមកស្តាប់នៅចម្រៀងមួយបទដែលកំពុងតែល្បីនិងពេញនិយម នៅក្នុងបណ្តាញ ផ្សព្វផ្សាយនានានៅក្នុងព្រះរាជាណាចក្រកម្ពជា បទនេះមានចំណងជើងថា កុំហើយខ្ញុំថាស្រីចាស់។ បទចម្រៀង កុំហៅខ្ញុំថាស្រីចាស់នេះដែរ គឺច្រៀងដោយ កញ្ញា គង់ ចាន់រដ្ឋា ហើយសំរួលតន្ត្រីដោយ ផលិតកម្ម 7Sevenmusic Production ហើយនិពន្ធទំនុកច្រៀងដោយ FANTA ។

ទទឹមនឹងបទនេះកំពុងតែល្បី មានមនុស្ស ជាច្រើន ចង់ស្គាល់អ្នកនិពន្ទបទចម្រៀងមួយបទនេះ ព្រោះបទនេះត្រូវបានល្បី ហើយពេញនិយមនៅ តាមបណ្តាស់សង្គម ព្រមទាំងតាមរយៈទូរទស្សន៍នានាផងដែរ។ FANTA គឺជារហ័សនាមរបស់កវីវ័យក្មេង ម្នាក់ដែលជាម្ចាស់ស្នាដៃនិពន្ធប្រលោម រឿង កុំហៅខ្ញុំក្រមុំចាស់ ហើយឈ្មោះពិត របស់គាត់ឈ្មោះ កញ្ញា លឹម ផាន់ណា។

កញ្ញា លឹម ផានណា គីជាម្ចាស់ជ័យលាភី លេខ២ ក្នុងប្រកួតតែងទំនុកច្រៀង ដែលរៀបចំដោយអង្គការមួយក្រៅរដ្ឋាភិបាលមួយក្នុងឆ្នាំ ២០១២។ ចាប់តាំងពីឆ្នាំ ២០១២មកកញ្ញា កញ្ញា លឹម ផាន់ណា មានស្នាដៃតែងនិពន្ធជាច្រើន ដូចជាកំណាព្យ ទំនុកច្រៀង ប្រលោមលោក ព្រមទាំងគំនិតអប់រំជាច្រើនទៀតដែរ ត្រូវបានផុសនៅក្នុងផេករបស់កញ្ញាផ្ទាល់តែម្តង។

ហើយផេក របស់កញ្ញាមានឈ្មោះថា បេះដូងកវីស្រី ដែលជាទូទៅរាល់ស្នាដៃរបស់គាត់គឺត្រូវបានផុសនៅក្នុង ផេកនេះ តែដោយឡែក ចំពោះរឿងប្រលោមលោកឬសៀវភៅអប់រំ គឺមិនបានផុសនៅក្នុងផេកនោះទេ ដោយកញ្ញាយកទៅបោះពម្ពជាសៀវភៅ ឬលក់អោយទៅអ្នកផ្សេងដើម្បីចុះផ្សាយបន្តរ។ ជាក់ស្តែងដូចជារឿង កុំហៅខ្ញុំក្រមុំចាស់ ត្រូវបានគេហទំព័រ សប្បាយទិញយកទៅចុះផ្សាយ ហើយមានអ្នកគាំទ្រព្រោះទាំងផ្ញើ សារមកលើកទឹកចិត្តជាច្រើនផងដែរ។

តែថ្មីៗនេះ កញ្ញា លឹម ផានណា ឬ FANTA បាទនិពន្ធចម្រៀង មួយបទដែរ មានចំណងជើងថា កុំហៅខ្ញុំថាស្រីចាស់។ ហើយបទនេះគឺស្របពេលដែររឿងប្រលោម លោករបស់កញ្ញា កំពុងតែមានការគាំទ្រផងនោះ ធ្វើអោយបទចម្រៀងនេះរឹតមានអ្នកចូលចិត្តស្តាប់ ហើយយកទៅផ្សព្វផ្សាយព្រមទាំង យកទៅច្រៀងតាមបណ្តាញសង្គមជាច្រើន ព្រោះទាំងតាំកញ្ចក់ ទូរទស្សន៍នានាថែមទៀតផង។