ម្ចាស់ផេក បេះដូងកវីស្រី ចេញស្នាដៃថ្មី ដើម្បីចូលរួបទិវាជាតិអំណានលើកទី៤

ម្ចាស់ផេកបេះដូងកវីស្រី (លឹម ផាន់ណា) ដែលល្បីតាមរយៈបទចម្រៀង កុំហៅខ្ញុំថាស្រីចាស់និង បទឆ្នាំថ្មីរកប្តីមិនបាន បានត្រៀមចេញលក់សៀវភៅដែលជាស្នាដៃថ្មីរបស់គាត់ ក្រោមចំណងជើងថា សៀវភៅវេទមន្ត ។ សៀវភៅវេទមន្តគឺជាសៀវភៅរឿងខ្លីដែលផ្តល់គំនិតអប់រំផ្លូវចឹត្ត និងធ្វើឲ្យអ្នកអានមានគំនិតល្អៗ ហើយចេះថ្លឹងថ្លែងនូវហេតុការចំពោះមុខ ហើយរកវិធីដោះស្រាយសមស្រប់មួយ ដោយមិនធ្វើអ្វីមួយដោយមិនទាំងងងឹតងងុល។

គួរបញ្ជាក់ថា កញ្ញា លឹម ផាន់ណា ក៏មានស្នាដៃផ្សេងផងដែរ ទាំងរឿងហើយនិងកំណាព្យរឿង ព្រមទាំងល្ខោននិយាយផងដែរ។ស្នាដៃកញ្ញាដែលធ្លាប់មាន ដូចជា៖

ប្រភេទរឿង៖ រឿងកុំហៅខ្ញុំក្រមុំចាស់ រឿងសោភ័ណជីវិតនិងបេះដូងយុវវ័យ រឿងទេពអប្សតូច រឿងស្នាថើបរសើបបេះដូង ជាដើម។

ប្រភេទល្ខោននិយាយ៖ រឿងគ្រូទាយ

ប្រភេទកំណាព្យរឿង៖ ម្លប់ជីវិត គឺជាស្នាដៃដែលទទួលបានពាន់រង្វាន់លេខ២ ពីក្រសួងវប្បធម៌និងវិចិត្រសិល្បៈ ឆ្នំា២០១៩។

ក្រោយពីស្នាដៃរបស់គាត់មានការទទួលស្គាល់ជាបន្តបន្ទាប់់ កញ្ញាបានសំរេចចិត្តបោះពុម្ភសៀវភៅរឿងខ្លីក្រោមចំណងជើងថា៖ សៀវភៅវេទមន្ត ដើម្បីចូលរួមកម្មពិធីអំណានជាតិលើកទី៤ នៅវិទ្យាស្ថានបច្ចេកទេសកម្ពុជា ដែលប្រារពនៅថ្ងៃទី ៩ ដល់ ១១ ខែមិនាឆ្នាំ ២០១៩។

ទទឹមនិងការចេញស្នាដៃថ្មីនេះកញ្ញា លឹម ផាន់ណា បានផុសថា៖

មនុស្សច្រើននាក់កាន់សៀវភៅមួយក្បាល តែរបៀបនៃការគិតខុសៗគ្នា៖

អ្នកសេដ្ឋកិច្ច៖ យក១៥០០០រៀល ទៅទិញសៀវភៅ នាំឱ្យបាត់ឱកាសផឹកកាហ្វេប្រ៊ែនមួយកែវ

រចនាករ: សៀវភៅនេះ មានរបៀបឌីសាញខុសពីសៀវភៅដទៃ

អ្នកចិត្តសាស្ត្រ៖ រឿងខ្លះក្នុងសៀវភៅនេះ ពាក់ព័ន្ធនឹងផ្លូវចិត្ត

ព្រះសង្ឃ: អាត្មាអាចអានបាន

អ្នកនយោបាយ៖ រិះគន់សង្គម?

អ្នកអក្សរសាស្រ្ត៖ ឈ្វេងយល់របៀបតែងនិពន្ធ

អ្នកនិពន្ធ៖ ស្នាដៃរឿងធម្មតាៗ 😀

អ្នកគណិតវិទ្យា៖ សៀវភៅ១០០ទំព័រ តម្លៃ១៥០០០ រៀល ស្មើនឹង ១ទំព័រ តម្លៃ១៥០ រៀល

អ្នកចូលចិត្តអាន៖ សៀវភៅនេះ មានសាច់រឿងគួរឱ្យចាប់អារម្មណ៍

អ្នកបោះពុម្ព៖ បានប្រាក់ចំណូល ពីអ្នកនិពន្ធ ។ល។